ܡܶܢܝܳܢܳܐ ܕܡܶܬ̣ܓܰܘ̈ܣܳܢܶܐ ܕܠܴܐ ܐܶܬ̣ܺܝ̣ܗܶܒ ܠܗܽܘܢ ܦܣܳܣܳܐ ܕܝܰܬܒܽܘܬ̣ܳܐ ܒܰܣܘܶܝܕ ܣܓܺܝ̣ ܐܶܫܩܰܕܝ ܒܦܽܘܚܳܡܳܐ ܥܰܡ ܫܰܢ̱ܬܳܐ ܕܥܶܒܪܰܬ݀. ܪܱ̈ܩܡܶܐ ܕܐܰܪܦܝܰܬ݀ ܚܽܘܓܬ̣ܳܐ ܕܓܳܠܽܘܬ̣ܳܐ ܠܗܳܕܶܐ ܡܚܰܘܶܝܢ. ܚܽܘܓܬ̣ܳܐ ܕܓܳܠܽܘܬ̣ܳܐ ܐܶܬ̣ܺܝ̣ܗܶܒ ܠܳܗ̇ ܙܽܘ̈ܙܶܐ ܚܰܕ̈ܬ̣ܶܐ ܐܰܝܟܰܢܳܐ ܕܰܠܡܰܦܩܳܢܽܘܬ̣ܳܐ ܗܳܕܶܐ ܬܛܰܟܶܣܝ.

ܘܰܙܺܝ̣ܪܳܐ ܕܓܳܠܽܘܬ̣ܳܐ ܛܽܘܒܺܝܰܐܣ ܒܺܝ̣ܠܣܶܬܪܳܘܡ، ܕܐܺܝ̣ܬ̣ܰܘܗ̱ܝ ܡܶܢ ܓܰܒܳܐ ܝܽܘܒܳܠܳܝܳܐ ܕܰܡܢܰܛܪ̈ܳܢܶܐ ܥܰܠ ܫܰܢ̱ܬܳܐ ܗܳܫܳܝܬܳܐ ܐܶܫܩܰܕܝ ܐܶܡܰܪ: ܫܢܰܬ̣ 2010 ܥܬܺܝ̣ܕܳܐ ܕܬܶܗܘܶܐ ܫܰܢ̱ܬܳܐ ܕܡܰܕܥܪܳܢܽܘܬ̣ܳܐ. ܘܗܳܫܳܐ ܓܰܠܝܳܐܺܝ̣ܬ̣ ܡܶܬ̣ܚܰܘܝܳܐ ܕܡܶܢܝܳܢܳܐ ܕܪܰܒ ܐܶܬܬܰܦܰܩ ܡܶܢ ܐܰܬ̣ܪܳܐ ܒܫܰܢ̱ܬܳܐ ܕܥܶܒܪܰܬ݀. ܒܰܙܢܳܐ ܓܰܘܳܢܳܝܳܐ ܐܶܬܬܰܦܰܩܘ ܥܶܣܪܳܐ ܐܰܠܦܰܝܴ̈ܐ ܘܰܫܒܰܥܡܳܐܐ ܢܰܦ̈ܫܳܬ̣ܳܐ ܕܡܶܬ̣ܓܰܘ̈ܣܳܢܳܐ ܡܶܢ ܬܚܽܘ̈ܡܶܐ ܕܰܣܘܶܝܕ. ܐܰܠܦܳܐ ܘܰܬܠܳܬ̣ܡܳܐܐ ܦܰܪ̈ܨܽܘܦܶܐ ܝܰܬܺܝ̣ܪ ܡܶܢ ܫܢܰܬ̣ 2008.

ܗܳܢܳܐ ܡܰܦܩܳܢܳܐ ܐܺܝܬ̣ܰܘܗ̱ܝ ܕܦܽܘܠܺܝ̣ܛܝ̣ܩܺܝ̣ ܕܫܽܘܠܛܳܢܽܘܬ̣ܳܐ ܐܳܡܰܪ ܘܰܙܺܝ̣ܪܳܐ ܕܓܳܠܽܘܬ̣ܳܐ، ܛܽܘܒܺܝܰܐܣ ܒܺܝ̣ܠܣܶܬܪܳܘܡ. ܒܺܝ̣ܠܣܶܬܪܳܘܡ ܡܶܬ̣ܐܶܡܰܢ ܘܐܳܡܰܪ:

ـ ܥܶܕܳܢܰܐ ܗ̱ܘ̣ ܓܶܝܪ ܕܠܰܡܚܰܘܳܝܽܘ ܠܰܒܢܰܝ̈ܢܳܫܳܐ ܕܚܶܠܦܳܐ ܠܩܶܛܪܳܐ ܗܳܢܳܐ ܫܟܺܝ̣ܚ. ܟܰܕ ܒܰܪܐ̱ܢܳܫܳܐ ܒܡܰܪܗܳܛܳܐ ܕܡܶܬ̣ܓܩܘܣܳܢܽܘܬ̣ܳܐ ܕܰܠܣܳܟ̣ܳܐ ܕܐܽܘܪܚܳܐ ܡܳܢܰܥ ܙܳܕܶܩ ܕܚܰܪܬ̣ܳܐ ܢܶܗܘܶܐ ܠܰܨܒܽܘܬ̣ܳܐ ܘܗܳܕܶܐ ܪܳܡܝܳܐ ܒܰܕܥܳܪܳܐ ܕܰܠܐܰܬ̣ܪܳܐ ܕܡܶܢܶܗ ܡܶܬ̣ܓܰܘܣܳܢܳܐ ܐܖܬ̣ܳܐ، ܐܳܡܰܪ ܛܽܘܒܺܝܰܐܣ ܒܺܝ̣ܠܣܶܬܪܳܘܡ.

ܬܪܶܝܢ ܐܰܚܺܝ̈ܕܶܐ ܣܘܶܝ̈ܕܳܝܶܐ ܐܶܬ̣ܩܛܶܠܘ ܘܐ̱ܰܚܪܺܢܳܐ ܐܶܬ̣ܡܚܺܝ̣ ܒܨܽܘ̈ܠܦܳܬ̣ܳܐ ܒܐܰܦܓܰܐܢܺܝ̣ܣܛܰܐܢ ܠܒܰܪ ܡܶܢ ܡܕܺܝ̣ܢܰܬ݀ ܡܰܙܰܐܪ ܐܰܠܫܰܪܺܝ̣ܦ ܟܰܪ ܐܰܝܟܳܐ ܕܡܰܫܪܺܝ̣ܬ̣ܳܐ ܓܰܝܣܳܝܬܳܐ ܕܺܝ̣ܠܗܽܘܢ ܣܺܝ̣ܡܳܐ. ܐܰܝܟܰܢܳܝܽܘܬ̣ܳܐ ܕܦܳܠܚܳܐ ܡܶܨܛܰܠܦܳܐ ܠܴܐ ܗ̱ܘܳܬ̣ ܩܰܢܺܝ̣ܛܬܳܐ. ܣܘܶܝ̈ܕܳܝܶܐ ܐܳܚܕܺܝ̣ܢ ܗ̱ܘܰܘ ܡܰܛܰܪܬ̣ܳܐ ܒܰܩܪܺܝ̣ܬ̣ܳܐ ܕܰܦܢܺܝ̣ܬ̣ܳܐ ܡܕܰܘܰܕܬܳܐ ܕܢܳܦܠܴܐ ܥܰܠ ܪܽܘܚܩܳܐ ܕܚܰܡܫܰܥܶܣܪ̈ܐ ܟܺܝ̣ܠܳܘܡܶܬܪ̈ܶܐ ܠܒܰܪ ܡܶܢ ܡܰܙܰܐܪ ܐܰܠܫܰܪܺܝ̣ܦ.

ܦܰܪܨܽܘܦܳܐ ܕܰܦܬܰܚ ܢܽܘܪܳܐ ܘܕܰܩܛܰܠܘ ܬܪܶܝܢ ܦܳܠܚܷ̈ܐ ܣܘ݀ܶܝ̈ܕܳܝܶܐ ܩܛܰܠ ܬܽܘܒ ܠܰܡܬܰܪܓܡܳܢܳܐ ܕܰܫܟܺܝ̣ܚ ܗ̱ܘܳܐ ܒܰܠܘܺܝ̣ܬ̣ܳܐ ܕܡܰܛܰܪܬ̣ܳܐ ܣܘܶܝܕܳܝܬܳܐ، ܠܒܺܝ̣ܫ ܗ̱ܘܳܐ ܠܒܽܘ̈ܫܶܐ ܕܕܰܚܫܳܐ ܐܰܦܓܰܐܢܳܝܳܐ، ܕܐܶܢ ܫܰܪܺܝ̣ܪܳܐܺܝ̣ܬ̣ ܕܰܚܫܳܐ ܗ̱ܘܳܐ ܐܰܘ ܠܴܐ ܥܕܰܡܰܫ ܠܴܐ ܝܺܕܺܝ̣ܥ، ܐܳܡܰܪ ܢܽܘܗܰܕܪܳܐ ܣܘܶܝܕܳܝܳܐ، ܓܽܘܣܛܩܐܒ̰ ܒ̰ܶܠܠܶܪܦܰܠܬ، ܕܐܺܝ̣ܬ̣ܰܘܗ̱ܝ ܬܰܚܠܽܘܦܳܐ ܠܪܺܝ̣ܫܳܢܳܐ ܓܰܘܳܢܳܝܳܐ ܕܡܰܫܪܺܝ̣ܬ̣ܳܐ ܓܰܝܣܳܝܬܳܐ ܕܰܣܘܶܝ̈ܕܳܝܶܐ ܒܰܐܬ̣ܪܳܐ ܐܰܦܓܰܐܢܳܝܳܐ.

ܘܰܙܺܝ̣ܪ ܣܽܘܬܳܪܳܐ ܕܰܣܘܶܝܕ، ܣܬܶܢ ܛܳܘܠܓܦܳܘܪܫ ܒܡܰܩܪܚܳܢܽܘܬ̣ܳܐ ܕܰܥܒܰܕ ܒܫܽܘܐܳܠܴܐ ܗܳܢܳܐ ܐܳܡܰܪ:

ـ ܗܰܘ ܡܳܐ ܕܰܓܕܰܫ ܠܴܐ ܓܶܝܪ ܡܫܰܚܠܶܦ ܠܰܟܠܳܝܬܳܐ ܕܰܣܘܶܝܕ ܒܦܰܘܫܳܐ ܘܡܶܫܬܰܘܬܦܳܢܽܘܬ̣ܳܐ ܕܓܰܝܣܳܐ ܣܘܶܝܕܳܝܳܐ ܒܰܨܒܽܘܬ̣ܳܐ ܗܳܕܶܐ. ܚܢܰܢ، ܫܟܺܝ̣ܚܺܝ̣ܢܰܢ ܒܐܰܦܓܰܐܢܺܝܣܛܰܐܢ ܐܰܝܟܰܢܳܐ ܕܢܶܫܪܶܐ ܩܶܛܪܳܐ، ܘܘܳܠܺܝ̣ܬ̣ܳܐ ܗܳܕܶܐ ܝܺܨܺܝ̣ܦܬܳܐ ܐܺܝ̣ܬ̣ܶܝܗ̇ ܣܰܓܺܝ ܐܳܡܰܪ ܛܽܘܠܓܦܳܘܪܫ̣.

ܫܰܘܬܳܦܽܘܬ̣ܳܐ ܕܒ̰ܳܘܠܒ̰ܳܘ ܒܫܰܢ̱ܬܳܐ ܕܥܶܒܪܰܬ݀ ܟܶܐܡܰܬ̣ ܫܢܰܬ̣ 2009 ܚܽܘܣܪܳܢܳܐ ܪܰܒܳܐ ܕܰܒܡܰܟ̣ܬܰܒܙܰܒܢܳܐ ܕܫܰܘܬܳܦܽܘܬ̣ܳܐ ܕܠܴܐ ܐܶܬ̣ܚܙܺܝ̣ ܚܶܣܪܰܬ݀. ܫܒܰܥܣܰܪ ܡܶܠܝܰܐܪ̈ܶܐ ܕܰܟܪ̈ܘܢܶܐ ܒܫܰܢ̱ܬܳܐ ܟܽܘܠܳܗ̇ ܚܶܣܪܰܬ݀ ܘܰܥܠܰܠܬܳܐ ܕܫܰܘܬܳܦܽܘܬ̣ܳܐ ܥܰܠ ܡܶܬ̣ܚܳܐ ܕܫܰܢ̱ܬܳܐ ܚܕܳܐ ܓܰܫܓܶܫ ܠܰܬܚܽܘܡܳܐ ܕܡܳܐܐ ܡܶܠܝܰܐܪ̈ܶܐ ܕܰܟܪ̈ܘܢܶܐ.

ـ ܡܶܢܟܽܠܦܪܽܘܣ ܒܗܰܘ ܡܳܐ ܕܰܓܕܰܫ، ܪ̈ܰܥܝܶܐ ܚܢܰܢ ܕܢܺܐܡܰܪ ܠܴܐ ܡܰܨܝܳܐ. ܛܽܘܪܳܦܳܐ ܗܳܢܳܐ ܛܽܘܪܳܦܰܐ ܗ̱ܘ̣ ܪܰܫܺܝ̣ܥܳܐ ܕܰܒܕܽܘܡܝܶܗ ܒܡܰܟ̣ܬܰܒܙܰܒܢܳܐ ܕܫܰܘܬܳܦܽܘܬ̣ܳܐ ܕܠܴܐ ܚܙܰܝܢܰܢ ܡܕܰܘܶܕ ܠܰܢ ܘܰܥܕܰܡܰܫ ܪ̈ܩܡܶܐ ܛܳܒ ܪܰܘܪ̈ܒܶܐ ܘܰܡܪ̈ܝ̣ܡܳܢܶܐ ܩܕܳܡܰܝܢ ܪܫܺܝ̣ܡܺܝ̣ܢ ܐܳܦܶܢ ܕܚܳܙܶܝܢܰܢ ܗܳܫܳܐ ܦܢܳܝܳܐ ܒܺܐܝܕܳܐ ܩܰܕܡܳܝܬܳܐ ܒܓܰܘܚܳܐ ܕܣܺܝ̣ܡܰܬ݀ ܨܰܢܕܽܘܩܳܐ، ܐܳܡܰܪ ܠܰܐܝܶܦ ܝܽܘܗܰܢܨܳܘܢ، ܪܺܝ̣ܫܳܢܳܐ ܓܰܘܳܢܳܝܳܐ ܕܫܰܘܬܳܦܽܘܬ̣ܳܐ.

ܠܡܶܩܛܳܪܽܘ ܫܳܠܡܽܘܬ̣ܳܐ ܚܕܰܬܳܐ ܚܕܰܪܰܝ ܫܽܘܩܳܐ ܕܰܥܒܳܕܳܐ ܒܶܝܬ̣ ܡܳܪܱ̈ܝ ܥܒܳܕܳܐ ܘܬܰܚܒܰܪܬ̣ܳܐ ܕܦܰܠܳܚܷ̈ܐ ܡܶܣܬܰܘ̈ܕܘܢܘܳܬ̣ܳܐ ܫܰܪ̈ܝ̣ܝ. ܝܰܐܢ ܦܷ̇ܬܶܪ ܕܝܽܘܟܶܪ، ܕܰܡܪܰܝܫܶܢ ܠܐܶܣܛܽܘܟܣܳܐ ܡܰܫܽܘܚܬܳܢܳܝܳܐ ܕܐܰܬ̣ܪܳܐ ܦܨܺܝ̣ܚܳܝܳܐ ܐܺܝ̣ܬ̣ܰܘܗ̱ܝ ܕܬܰܚܒܰܪܬ̣ܳܐ ܕܦܰܠܳܚܷ̈ܐ ܕܰܒܡܶܫܬܰܘܬܦܳܢܽܘܬ̣ ܡܶܣܬܰܘ̈ܕܳܢܘܳܬ̣ܳܐ ܒܶܠܥܳܕ ܣܝܳܡܳܐ ܘܰܡܩܺܝ̣ܡܳܢܽܘܬ̣ ܫܰܪ̈ܛܶܐ ܕܥܶܠܰܬ݀ ܐܳܡܰܪ.

ܒܬܶܫܪ̈ܳܝܳܬ̣ܳܐ ܕܰܥܒܰܪ ܐܶܣܛܽܘܟܣܳܐ ܡܰܫܽܘܚܬܳܢܳܝܳܐ ܙܰܡܶܢ ܠܬܰܚܒܪ̈ܳܬ̣ܳܐ ܕܦܰܠܳܚܷ̈ܐ ܘܰܕܫܰܕܺܝ̈ܬ̣ܶܐ ܕܢܶܬܒܽܘܢ ܠܡܶܣܬܰܘܳܕܽܘ ܥܰܠ ܚܽܘܕܳܬ̣ ܫܳܠܡܽܘܬ̣ܳܐ ܚܕܰܬܳܐ ܕܬܶܐܚܽܘܕ ܕܽܘܟܰܬ݀ ܫܳܠܡܽܘܬ̣ܳܐ ܕܐܶܨܛܰܡܕܰܬ݀ ܫܢܰܬ̣ 1938

ܬܰܚܒܰܪܬ̣ܳܐ ܕܦܰܠܳܚܷ̈ܐ ܘܐܶܣܛܽܘܟܣܳܐ ܡܰܫܽܘܚܬܳܢܳܝܳܐ ܕܐܰܬ̣ܪܳܐ ܗܶܢܝܳܢܳܐ ܡܫܰܘܬܦܳܐ ܩܢܶܝܢ ܕܰܫܪܳܝܳܐ ܡܫܰܘܬܦܳܐ ܢܶܚܙܽܘܢ ܠܫܽܘܩܳܐ ܥܒܳܕܳܢܳܝܬܳܐ ܕܰܣܘܶܝܕ. ܒܫܰܘܝܽܘ ܡܶܫܟܚܺܝ̣ܢܰܢ ܕܢܶܒܪܶܐ ܫܰܪ̈ܛܶܐ ܢܰܓ̣ܺܝܪ̈ܶܐ ܘܐܰܟܺܝ̈ܢܶܐ ܠܟܽܘܝܳܢܳܐ ܕܐܰܦܣܽܘ̈ܢܝܳܬ̣ܳܐ ܒܫܽܘܩܳܐ ܥܒܳܕܳܢܳܝܬܳܐ ܕܰܣܘܶܝܕ، ܕܐܺܝ̣ܬ̣ܶܝܗ̇ ܡܶܨܥܳܝܳܐ ܕܡܰܫܘܶܐ ܐܽܘܪܚܳܐ ܩܕܳܡܶܝܗ̇ ܕܡܶܬ̣ܛܰܘܪܳܢܽܘܬ̣ܳܐ ܕܡܰܫܽܘܚܬܳܐ ܣܘܶܝܕܳܝܬܳܐ ܒܓܰܘ ܐܰܬ̣ܪܳܐ ܒܶܗ ܒܙܰܒܢܳܐ ܕܰܡܥܰܫܢܳܐ ܠܚܰܝܠܴܐ ܕܡܽܘܪܳܝ ܫܰܘ̈ܬܳܦܘܳܬ̣ܳܐ ܘܗܳܟ̣ܰܢܳܐ ܫܰܪ̈ܛܶܐ ܘܬܰܢܘܰܝ ܕܦܰܠܳܚܷ̈ܐ ܒܰܣܘܶܝܕ، ܐܳܡܪܳܐ ܪܺܝ̣ܫܳܢܺܝ̣ܬ̣ܳܐ ܕܬܰܚܒܰܪܬ̣ܳܐ، ܒ̣ܰܢܝܩܐ ܠܽܘܢܕܒܺܝ̣ ܒ̰ܶܕܺܝ̣ܢ.  

ܕܪܳܫܳܐ ܕܒܰܝܢܰܝ ܪ̈ܝ̣ܫܳܢܶܐ ܕܓܰܒܷ̈ܐ ܦܽܘ̈ܠܺܝ̣ܛܺܝܩܳܝܶܐ ܒܰܦܪܳܣܚܶܙܘܳܐ ܕܐܰܬ̣ܪܳܐ ܒܡܰܣܰܩܬܳܐ ܕܓ̣ܽܘ̈ܒܳܝܶܐ ܒܬܶܫܪ̈ܳܝܳܬ̣ܳܐ ܕܩܳܕܡܺܝ̣ܢ.

ܒܺܝ̣ܪܓܺܝ̣ܬܬܰܐ ܐܽܘܗܠܨܳܘܢ ܡܶܢ ܓܰܒܳܐ ܥܰܡܳܝܳܐ ܠܺܝ̣ܒܶܪܰܐܠܳܝܳܐ ܐܶܬ̣ܥܰܝܢܰܬ݀ ܠܕܰܪܓ̣ܳܐ ܕܘܙܺܝ̣ܪܽܘܬ̣ ܚܽܘܝܳܕܳܐ ܐܽܘܪܺܝ̣ܦܳܝܳܐ.

ܣܺܝ̣ܥܬܳܐ ܡܦܰܬܫܳܢܺܝ̣ܬ̣ܳܐ ܕܡܰܕܪ̈ܫܳܬ̣ܳܐ ܡܨܰܝܒܳܐ ܣܬܽܘܪܝܳܐ ܠܽܘܩܒܰܠ ܡܰܕܪ̈ܫܳܬ̣ܳܐ ܘܰܡܫܱ̈ܐܠܷܐ ܕܠܴܐ ܚܳܝܪܺܝ̣ܢ ܒܚܰܣܺܝ̣ܢܽܘܬ̣ ܓܽܘܠܘܳܪܳܐ ܕܐܳܬ̣ܶܐ ܠܰܗܘܳܝܳܐ ܠܽܘܩܒܰܠ ܐ̱ܢܳܫܺܝ̈ܢ ܡܶܢ ܬܰܠܡܺܝ̈ܕܶܐ.

ܩܳܢܽܘܢܳܐ ܕܐܶܬܬܣܺܝ̣ܡ ܡܶܢ ܡܶܬ̣ܚܳܐ ܕܫܰܢ̱ܬܳܐ ܠܰܡܣܰܬܳܪܽܘ ܛܠܳܝܷ̈ܐ ܘܫܰܒܪ̈ܶܐ ܡܶܢ ܓܰܒܪ̈ܶܐ ܪ̈ܒܶܐ ܕܩܳܛܪܺܝ̣ܢ ܐܶܣܳܪ̈ܶܐ ܥܰܡܗܽܘܢ ܒܢܺܝ̣ܫܳܐ ܕܡܶܫܬܰܘܬܦܳܢܽܘܬܐ ܓܶܢܣܳܢܳܝܬܳܐ، ܩܳܢܽܘܢܰܐ ܗ̱ܘ̣ ܕܠܴܐ ܥܰܪ̈ܫܶܐ.

ܬܰܪܡܺܝ̣ܬ̣ܳܐ ܕܣܺܝ̣ܳܘܣ ܕܐܺܝ̣ܬ̣ܰܘܗ̱ܝ ܛܽܘܟܳܣܳܐ ܕܡܶܬ̣ܥܰܕܪܳܢܽܘܬ̣ܳܐ ܕܒܰܝܢܰܝ ܚܽܘ̈ܝܳܕܶܐ ܢܽܘܟ̣ܪ̈ܝܶܐ ܥܳܒܪܳܐ ܒܫܰܢ̱ܬܗ̇ ܬܠܺܝܬ̣ܳܝܬܳܐ ܒܰܟܪܽܘܟ̣ܝܳܐ ܘܩܽܘܦܳܝܳܐ ܕܝܰܩܪܴ̈ܬ̣ܳܐ ܢܽܘܟ̣ܪ̈ܳܝܳܬ̣ܳܐ ܒܢܺܝ̣ܫܳܐ ܕܰܢܥܰܦ̈ܩܳܢ ܓܰܕܽܘ̈ܕܶܐ ܘܰܥܠܝ̈ܡܶܐ ܕܒܶܣܬܪܳܝܽܘܬ̣ܳܐ ܐܶܬܢܺܝ̣ܩܳܝܬܳܐ ܢܽܘܟ̣ܪܳܝܬܐ ܩܢܶܝܢ ܠܰܡܦܰܢܳܝܽܘ ܐܶܢܽܘܢ ܠܚܰܝܷ̈ܐ ܟܝܳܢܳܝܷ̈ܐ.

ܘܪܺܝ̣ܫܳܢ ܚܽܘܝܳܕ ܥܠܰܝܡܽܘܬ̣ܳܐ ܐܳܬ̣ܽܘܪܳܝܬܳܐ ܕܰܣܘܶܝܕ، ܬܳܠܷܐ ܣܰܒܪܳܐ ܒܰܥܬܺܝ̣ܕܽܘܬ̣ܳܐ ܒܰܗܽܘܪܬܳܐ ܠܥܰܠܰܝܡܽܘܬ̣ܳܐ ܐܳܬ̣ܽܘܪܳܝܬܳܐ   

ܡܶܢ ܐܺܝ̣ܪܰܚ ܬܰܡܽܘܙ ܕܐܶܫܩܰܕܝ ܐܶܬܬܰܚܪܰܡ ܩܛܳܪ ܐܶܣܳܪ̈ܶܐ ܕܥܰܡ ܛܠܳܝܷ̈ܐ ܘܓܰܕܽܘ̈ܕܶܐ ܒܢܺܝ̣ܫܳܐ ܕܡܶܫܬܰܘܬܦܳܢܽܘܬ̣ܳܐ ܒܶܣܪܳܢܳܝܬܳܐ ܕܐܶܬܬܣܺܝ̣ܡܰܬ݀ ܒܕܰܪܓ̣ܳܐ ܕܣܽܘܪܚܳܢܳܐ. ܒܪܰܡ ܡܶܢ ܒܳܬ̣ܰܪ ܡܶܬ̣ܚܳܐ ܕܰܥܒܰܪ ܡܶܬ̣ܚܰܙܝܳܐ ܕܩܳܢܽܘܢܳܐ ܒܣܽܘܥܪܳܢܳܐ ܠܴܐ ܡܶܬ̣ܛܰܒܰܩ ܘܥܰܠܗܳܕܶܐ ܡܶܨܛܰܝܰܒ ܣܬܽܘܪܝܳܐ ܠܩܽܘܒܠܶܗ.

ܥܕܰܡܳܐ ܠܝܰܘܡܳܢܳܐ ܐ̱ܢܳܫ ܠܴܐ ܐܶܬܬܕܺܝ̣ܢ ܥܰܠ ܐܰܦܱ̈ܝ ܩܳܢܽܘܢܳܐ ܗܳܢܳܐ ܚܰܕܬ̣ܳܐ. ܘܰܩܛܳܪ ܐܶܣܳܪ̈ܶܐ ܕܓܰܒܪ̈ܶܐ ܪ̈ܒܶܐ ܕܥܰܡ ܙܥܽܘܪ̈ܶܐ ܕܥܰܠ ܝܰܕ ܢܰܘܠܴܐ ܣܳܓܶܐ ܡܚܰܘܶܐ ܒܽܘܚܳܢܳܐ.

ܡܰܛܣ ܐܰܢܕܶܪܫܳܘܢ ܕܡܰܫܓ̣ܶܠ ܠܫܰܘܬܳܦܽܘܬ̣ܳܐ ܕܢܶܬܣܟܰܢ ܠܰܡܨܰܘܳܪܽܘ ܘܰܠܡܶܪܫܳܡܽܘ ܕܰܦܷ̈ܐ ܕܰܥܠܰܝܡܽܘܬ̣ܳܐ ܕܥܰܠ ܢܰܘܠܴܐ ܐܳܡܰܪ:

ـ ܗܰܘ ܡܳܐ ܕܓܳܕܶܫ ܥܰܠ ܢܰܘܠܴܐ ܕܐܶܢ ܚܕܳܪܰܝ ܨܰܢܕܽܘܩܳܐ ܕܚܶܠܴܐ ܓܳܕܶܫ ܗ̱ܘܳܐ ܥܰܠ ܪܽܘܚܩܳܐ ܕܡܰܐܬ̣ܶܝܢ ܡܶܬܪ̈ܘܳܬ̣ܳܐ ܡܶܢ ܒܶܝܬ̣ ܡܰܥܡܪܳܐ ܠܴܐ ܣܳܟ ܡܶܬ̣ܩܰܒܠܴܐ ܗ̱ܘܳܬ̣ ܡܶܬ̣ܕܰܒܪܳܢܽܘܬ̣ܳܐ ܗܳܕܶܐ ܡܶܢ ܓܰܒܳܐ ܕܓܰܒܪ̈ܶܐ ܪ̈ܒܶܐ.

ܨܽܘܪܬܳܐ ܕܪܳܫܶܡ ܐܰܢܕܶܪܫܳܘܢ ܨܽܘܪܬܳܐ ܐܺܝ̣ܬ̣ܶܝܗ̇ ܕܰܡܚܰܘܝܳܐ ܕܐܰܝܟܰܢ ܦܫܺܝ̣ܛ ܩܛܳܪ ܐܶܣܳܪ̈ܶܐ ܕܥܰܡ ܙܥܽܘܪ̈ܶܐ ܒܢܺܝ̣ܫܳܐ ܕܡܶܫܬܰܘܬܦܳܢܽܘܬ̣ܳܐ ܓܶܢܴܣܳܢܳܝܬܳܐ ܐܳܡܰܪ ܒܪܽܘܨܳܢܶܗ.

ܬܰܠܡܺܝ̈ܕܶܐ ܣܰܓܺܝ̈ܐܐ ܕܡܶܬ̣ܓܰܠܘܪܺܝ̣ܢ ܒܡܰܕܪ̈ܫܳܬ̣ܳܐ ܠܴܐ ܡܶܬܬܰܟܠܺܝ̣ܢ ܥܰܠ ܡܰܠܦܴ̈ܢܶܐ ܐܰܝܟܰܢܳܐ ܕܢܰܘܫܛܽܘܢ ܠܗܽܘܢ ܥܽܘܕܪܳܢܳܐ ܘܰܕܢܶܣܬܰܡܟ̣ܽܘܢ ܟܰܕ ܡܶܕܶܡ ܒܡܰܕܪܰܫܬܳܐ ܓܳܕܶܫ ܐܶܠܴܐ ܐܰܟ ܕܰܒܣܽܘܓ̣ܳܐܐ ܓܶܕܫܳܐ ܡܶܙܕܰܥܰܪ ܘܗܳܟ̣ܰܢܳܐ ܚܳܡܶܝܢ ܘܟܳܢܫܺܝ̣ܢ ܠܶܗ ܠܰܬܚܶܝܬ̣ ܡܰܪܫܳܐ ܘܛܰܢܦܶܣܬܳܐ ܒܽܘܚܳܢܳܐ ܡܚܰܘܶܐ.

ܗܳܠܶܝܢ ܡܢܳܬ̣ܳܐ ܐܶܢܽܘܢ ܡܶܢ ܩܶܛܪ̈ܶܐ ܕܣܺܝ̣ܥܬܳܐ ܡܦܰܬܫܳܢܺܝ̣ܬ̣ܳܐ ܕܡܰܕܪ̈ܫܳܬ̣ܳܐ ܕܰܚܙܳܬ݀ ܡܶܢ ܒܳܬ̣ܰܪ ܕܰܪܡܳܬ݀ ܚܰܘܪܳܐ ܥܰܠ ܚܰܡܫܺܝ̣ܢ ܡܰܕܪ̈ܫܳܬ̣ܳܐ ܐܰܝܟܰܢܳܐ ܕܬܶܚܙܶܐ ܠܐܽܘܪܚܳܐ ܕܦܽܘܠܚܳܢ ܡܫܱ̈ܐܠܷܐ ܟܰܕ ܡܢܳܬ̣ܳܐ ܡܶܢ ܬܰܠܡܺܝ̈ܕܶܐ ܕܡܶܬ̣ܐܰܠܨܺܝ̣ܢ ܘܰܕܡܶܫܬܰܚܩܺܝ̣ܢ.

ܐܰܝܟܰܢܳܝܽܘܬ̣ܳܐ ܗܳܕܶܐ ܝܺܕܺܝ̣ܥܳܐ ܠܰܚܕܐ ܬܰܠܡܺܝ̣ܕܬܳܐ ܕܡܶܬ̣ܟܰܢܝܳܐ ܠܘܛܬܰܐ ܘܐܳܘܡܪܳܐ:

ـ ܡܰܠܦܳܢܳܐ ܕܺܝ̣ܠܝ ܠܴܐ ܝܰܗ̱ܒ ܠܺܝ̣ ܐܶܕܢܳܐ ܟܰܕ ܬܰܢܺܝ̣ܬ̣ ܠܶܗ ܕܒܢܰܦܺܐܫܳܐ ܘܰܕܒܰܙܒܰܢ ܕܐܰܦܬ̣ܳܐ ܕܗܳܘܝܳܐ ܐ̱ܢܳܐ ܢܺܝ̣ܫܳܐ ܠܓܽܘܠܝܳܪܳܐ ܡܶܢ ܓܰܒܳܐ ܕܰܐ̱ܚܪ̈ܳܢܶܐ. ܡܰܠܦܳܢܳܐ ܦܰܢܺܝ̣ ܥܠܰܝ ܘܐܶܡܰܪ: ܕܰܨܒܽܘܬ̣ܳܐ ܠܴܐ ܗ̱ܘܳܬ̣ ܗܳܟ̣ܰܢ ܩܰܢܺܝ̣ܛܬܳܐ.

ܘܗܳܟ̣ܰܢܳܐ ܓܽܘܠܝܳܪܳܐ ܕܠܽܘܩܒܰܠ ܠܳܘܛܬܰܐ ܐܶܬ̣ܐܶܡܰܢ ܡܶܢ ܣܶܕܪܳܐ ܩܰܕܡܳܝܳܐ ܥܕܰܡܳܐ ܠܣܶܕܪܳܐ ܬܫܺܝ̣ܥܳܝܳܐ.

ܒܰܛܺܝ̣ܠܽܘܬ̣ܐ ܘܨܰܢܕܽܘܩܳܐ ܕܥܰܪܳܒܽܘܬ̣ ܟܽܘܪܗܳܢܳܐ ܟܡܳܐ ܡܠܽܘ̈ܐܶܐ ܗ̱ܘܰܘ ܕܒܰܕܪܳܫ ܪ̈ܝ̣ܫܳܢܶܐ ܕܓܰܒܷ̈ܐ ܦܽܘܠܺܝܛܺܝ̈ܩܳܝܶܐ ܕܐܶܬ̣ܰܘ ܠܰܗܘܳܝܳܐ ܐܶܬ̣ܡܳܠܝ ܒܪܰܡܫܳܐ ܒܰܦܪܳܣܚܶܙܘܳܐ ܕܐܰܬ̣ܪܳܐ. ܓܰܒܷ̈ܐ ܫܰܒܥܳܐ ܕܰܒܒܶܝܬ̣ ܫܽܘܠܛܳܢܳܐ ܣܘܶܝܕܳܝܳܐ ܢܦܰܠܘ ܒܰܚ̈ܕܳܕܶܐ ܒܰܕܪܳܫܳܐ ܚܰܡܺܝ̣ܡܳܐ ܩܕܳܡܰܝܗܽܘܢ ܕܓ̣ܽܘ̈ܒܳܝܶܐ ܕܒܰܝܢܰܝ ܬܪ̈ܰܝܗܽܘܢ ܓܒܺܝ̈ܢܶܐ.

Hektisk partiledardebatt utan klara besked

ܪܺܝ̣ܫܳܢܳܐ ܕܓܰܒܳܐ ܝܽܘܒܳܠܳܝܳܐ ܕܰܡܢܰܛܪ̈ܳܢܶܐ، ܘܪܺܝ̣ܫ ܐܽܘܚܕܳܢܳܐ ܦܪܶܕܪܺܝ̣ܟ ܪܰܐܝܢܦܰܠܕ ܢܦܰܩ ܒܪܽܘܚܳܐ ܥܰܠ ܦܽܘܠܺܝ̣ܛܺܝ̣ܩܺܝ̣ ܕܫܽܘܠܛܳܢܽܘܬ̣ܶܗ ܘܟܰܕ ܛܳܒ ܪܱ̈ܩܡܶܐ ܥܶܠܳܝܷ̈ܐ ܕܒܰܛܺܝ̣ܠܽܘܬ̣ܳܐ ܬܒܰܥ ܡܶܢ ܓܒܺܝ̣ܢܳܐ ܣܽܘܡܳܩܳܐ ܝܰܪܽܘܩܳܐ ܚܶܠܦܳܐ ܡܶܢ ܓܒܺܝ̣ܢܳܐ ܕܣܰܩܽܘܒܠܳܝܽܘܬ̣ܳܐ. ܪܰܐܝܢܦܰܠܕ ܐܶܡܰܪ: ܕܪܳܫܳܐ ܕܺܝ̣ܠܰܢ ܙܳܕܶܩ ܕܢܶܗܘܶܐ ܥܰܠ ܦܽܘܠܚܳܢܳܐ. ܦܽܘܢܳܝܳܐ ܕܺܝ̣ܠܰܢ ܐܺܝ̣ܬ̣ܰܘܗ̱ܝ ܡܥܰܫܢܳܢܽܘܬ̣ܳܐ ܕܡܰܫܓ̣ܠܳܢܽܘܬ̣ܳܐ، ܡܰܚܰܬܬܳܐ ܕܡܰܕܰܐܬ̣ܳܐ ܠܡܶܫܒܳܩܽܘ ܟܡܳܝܽܘܬ̣ܳܐ ܕܪܰܒ ܒܰܨܪܳܪܷ̈ܐ ܕܰܒܢܰܝ̈ܢܳܫܳܐ. ܐܰܢ̱ܬܽܘܢ ܕܶܝܢ ܡܳܢܰܘ ܦܽܘܢܳܝܳܐ ܕܺܝ̣ܠܟ̣ܽܘܢ ܫܰܐܶܠ ܪܰܐܝܢܦܰܠܕ.

ܐܶܬ̣ܡܳܠܝ ܒܦܽܘܢܥܳܡܳܐ ܕܰܗܘܳܐ ܒܰܐܬ̣ܪܳܐ ܕܰܣܘܺܝ̣ܣܪܰܐ ܥܰܠ ܫܽܘܐܳܠܴܐ ܕܚܽܘܪܡܳܢ ܒܶܢܝܳܢ ܬܶܠܴ̈ܠܷܐ ܒܡܰܣ̈ܓܕܶܐ ܕܡܶܢ ܗܳܫܳܐ ܘܰܠܗܰܠ ܣܰܓܺܝܐܽܘܬ̣ܳܐ ܪܰܒܬ̣ܳܐ ܒܰܟܡܳܝܽܘܬ̣ܳܐ ܕܚܰܡܫܺܝ̣ܢ ܘܫܰܒܥܳܐ ܒܰܡܳܐܐ ܐܶܡܪܰܬ݀ ܠܴܐ ܠܡܰܩܒܠܳܢܽܘܬ̣ܳܐ ܗܳܕܶܐ.

ܘܰܙܺܝ̣ܪܳܐ ܕܒܰܪܳܝܽܘܬ̣ܳܐ ܕܰܣܘܶܝܕ، ܟܰܐܪܠ ܒܺܝ̣ܠܕ ܒܡܰܩܪܚܳܢܽܘܬ̣ܳܐ ܕܰܥܒܰܕ ܒܫܽܘܐܳܠܴܐ ܐܳܡܰܪ:

ـ ܗܳܕܶܐ ܪܳܡܙܳܐ ܥܰܠ ܩܕܳܡܕܺܝ̈ܢܶܐ ܣܰܓܺܝ̈ܐܐ ܕܐܺܝ̣ܬ̣ܶܝܗ̇ ܪܶܡܙܳܐ ܠܕܶܚܠܬ̣ܳܐ ܘܡܶܢܟܽܠܦܪܽܘܣ ܕܒܰܙܢܳܐ ܡܪܺܝ̣ܡܳܢܳܐ ܕܥܰܠ ܥܬܺܝ̣ܕܽܘܬ̣ܳܐ ܕܬܰܥܒܶܕܝ ܡܶܣܬܰܟܝܳܐ.

ܠܦܽܘܬ̣ ܢܳܡܽܘܣܳܐ ܪܺܝ̣ܫܳܝܳܐ ܕܐܺܝ̣ܬ̣ ܒܰܣܘܺܝ̣ܣܪܰܐ ܣܘܰܚܬܳܐ ܕܐܳܬ̣ܝܳܐ ܡܶܢ ܐ̱ܢܳܫ ܒܢܱ̈ܝ ܐܰܬ̣ܪܳܐ ܘܰܕܡܶܣܬܰܡܟ̣ܳܐ ܒܰܒܟ̣ܺܝܪܴ̈ܬ̣ ܐܺܝ̈ܕܰܝܳܐ ܕܡܳܐܐ ܐܰܠܦܰܝܴ̈ܐ ܕܰܒܢܰܝ̈ܢܳܫܳܐ ܙܳܕܶܩ ܫܽܘܐܳܠܴܐ ܗܰܘ ܕܢܺܐܙܰܠ ܠܦܽܘܢܥܳܡܳܐ ܒܓܰܘ ܐܰܬ̣ܪܳܐ ܒܰܝܢܰܝ ܥܳܡܽܘܪ̈ܶܐ. ܡܰܦܩܳܢܳܐ ܕܦܽܘܢܥܳܡܳܐ ܗܳܢܳܐ ܡܰܟܠܷܐ ܘܡܰܚܪܶܡ ܠܒܶܢܝܳܢܳܐ ܕܬܶܠܴ̈ܠܷܐ ܒܓܰܘ ܐܰܬ̣ܪܳܐ ܡܢ ܗܳܫܳܐ ܘܰܠܗܰܠ.

ܓܶܠܝܽܘ̈ܢܶܐ ܐܽܘܪ̈ܝ̣ܦܳܝܶܐ ܒܰܙܢܳܐ ܓܰܘܳܢܳܝܳܐ ܐܳܡܪܺܝ̣ܢ ܕܡܰܦܩܳܢܳܐ ܗܳܢܳܐ ܫܳܕܶܐ ܠܐܰܬ̣ܪܳܐ ܣܘܺܝ̣ܣܪܳܝܳܐ ܠܕܳܪ̈ܶܐ ܕܰܩܕܳܡ ܡܰܢܗܪܳܢܽܘܬ̣ܳܐ ܘܒܰܝܢܰܝ ܛܽܘ̈ܟܳܣܶܐ ܡܰܫ̈ܠܡܳܢܶܐ ܚܰܫܳܐ ܫܰܠܺܝ̣ܛ. ܘܐ̱ܰܚܪ̈ܳܢܶܐ ܐܳܡܪܺܝ̣ܢ: ܡܰܥܒܕܳܢܽܘܬ̣ܳܐ ܕܰܟܠܳܝܬܳܐ ܗܳܕܶܐ ܒܥܳܠܡܳܐ ܡܰܫܠܡܳܢܳܐ ܛܰܝܳܝܳܐ ܕܒܰܚܩܰܠ ܡܰܫܽܘܚܬܳܐ ܠܴܐ ܡܰܨܝܳܐ ܕܢܶܬ̣ܚܰܙܝܳܐ ܗܳܫܳܐܺܝ̣ܬ̣، ܐܳܡܪܺܝ̣ܢ.

ܐܺܝ̣ ܐܺܝ̣ܢܦܠܽܘܐܶܢܙܰܐ ܚܰܕܬܳܐ ܕܶܟܡܺܝܕܳܥܳܐ ܒܺܝ̣ ܐܺܝ̣ܢܦܠܽܘܐܰܢܙܰܐ ܕܰܚܙܺܝ̣ܪ̈ܶܐ ܗܳܫܳܐܺܝ̣ܬ̣ ܒܚܰܣܺܝ̣ܢܽܘܬ̣ܳܐ ܡܰܛܝܳܐ ܠܽܘܣܘܶܝܕ، ܘܒܶܬ̣ܪ ܡܽܘܦܬܳܚܳܐ ܕܰܐܡܰܕܪ̈ܫܳܬ̣ܳܐ ܐܽܘܒܶܪܒܳܙܰܝܕܰܗ̇ ܒܓܰܘܶܗ ܕܽܘܐܰܬ̣ܪܳܐ ܟܡܶܢܛܶܪ ܕܡܳܐܶܕ ܚܺܐܦܳܐ. ܥܰܡ ܓܰܒܶܗ ܕܽܘܡܶܕܰܐܢܳܐ: ܒܽܘܣܘܶܝܕ ܣܬܶܐ ܡܰܐܝܶܬ̣ ܬܪܶܝܢ ܦܰܪ̈ܨܽܘܦܶܐ ܒܽܘܟܶܐܘܰܐܢܳܐ، ܐܶܠܴܐ ܗܽܘܠܠܽܘܥܕܳܐ ܐܰܦܰܪ̈ܨܽܘܦܶܐ ܕܡܰܐܝܺܬ̣ܺܝ̣ ܒܺܝ̣ ܐܺܝ̣ܢܦܠܽܘܐܶܢܙܰܐ ܒܢܰܝ̈ܢܳܫܳܐܘܶܝܢ ܕܟܶܬܘܰܠܠܶܗ ܚܽܘܠܡܳܢܳܐ ܠܴܐ ܛܰܘܳܐ ܘܶܡܚܺܝ̣ܠܴܐ.

ܠܦܽܘܬ̣ ܟܽܘ̈ܢܳܫܶܐ ܐ̱ܚܪ̈ܳܝܶܐ ܘܰܡܢܳܝܳܐ ܕܩܴ̈ܠܷܐ ܒܐܰܬ̣ܪܳܐ ܢܳܘܪܘܶܔܳܝܳܐ ܡܶܢ ܒܳܬ̣ܰܪ ܓ̣ܽܘ̈ܒܳܝܶܐ ܕܠܰܗܘܳܝܳܐ ܐܶܬ̣ܰܘ، ܡܶܬ̣ܚܰܙܝܳܐ ܕܫܽܘܠܛܳܢܽܘܬ̣ܳܐ ܡܚܰܝܰܕܬܳܐ ܕܰܡܪܰܟܒܳܐ ܡܶܢ ܓܒܳܐ ܕܦܰܠܳܚ̈ܐ، ܘܫܰܘ̈ܬܶܦܳܝܶܐ ܣܶܡܳܠܝܷ̈ܐ ܘܓܰܒܳܐ ܡܶܨܥܳܝܳܐ ܕܢܶܦܩܰܬ݀ ܙܰܟܳܝܬܳܐ ܒܓ̣ܽܘ̈ܒܳܝܶܐ. 86 ܟܽܘܪ̈ܣܰܘܳܬ̣ܳܐ ܠܽܘܩܒܰܠ 83 .  ܘܒܳܬ̣ܰܪ ܫܳܥܬ̣ܳܐ ܚܕܳܐ ܒܦܶܠܓܽܘܬ̣ ܠܶܠܝܳܐ ܪܺܝ̣ܫܳܢܳܐ ܕܐܽܘܚܕܳܢܳܐ، ܝܶܢܣ ܣܛܳܘܠܬܶܢܒܰܪܺܝ̣ ܐܰܩܪܰܚ ܕܐܺܝ̣ܬ̣ܰܘܗ̱ܝ ܙܰܟܳܝܳܐ ܕܓ̣ܽܘ̈ܒܳܝܶܐ.

ܒܡܰܦܩܳܢܳܐ ܗܳܢܳܐ ܫܽܘܠܛܳܢܽܘܬ̣ܳܐ ܣܽܘܡܳܩܬܳܐ ܝܰܪܳܩܬܳܐ ܕܰܗܘܳܐ ܠܳܗ̇ ܐܰܪܒܰܥ ܫܢܰܝܴ̈ܐ ܒܫܽܘܠܛܳܢܳܐ ܡܶܬ̣ܐܰܡܢܳܐ ܒܰܐܬ̣ܪܳܐ. ܐܳܦܶܢ ܕܙܳܟ̣ܽܘܬ̣ܳܐ ܠܴܐ ܗ̱ܘܳܬ̣ ܗܳܟ̣ܰܢܳܐ ܪܰܒܬ̣ܳܐ، ܐܶܠܴܐ ܣܳܦܩܳܐ ܠܰܒܥܶܠܩܝܳܡܳܐ ܕܢܶܬܐܶܡܰܢ ܒܫܽܘܠܛܳܢܳܐ ܠܡܶܬ̣ܚܳܐ ܕܐܰܪܒܰܥ ܫܢܰܝܴ̈ܐ ܚܰܕ̈ܬ̣ܳܬ̣ܳܐ. ܠܴܐ ܝܺܕܺܝ̣ܥ ܕܐܶܢ ܡܰܦܩܳܢܳܐ ܕܓ̣ܽܘ̈ܒܳܝܶܐ ܕܰܒܢܳܘܪܘܶܔ ܥܬܺܝ̣ܕ ܕܢܰܥܒܶܕ ܡܶܕܶܡ ܥܰܠ ܓ̣ܽܘ̈ܒܳܝܶܐ ܕܰܣܘܶܝܕ ܒܫܰܢ̱ܬܳܐ ܕܩܳܕܡܳܐ.

ܘܰܙܺܝ̣ܪܽܘܬ̣ܳܐ ܒܰܪܳܝܬܳܐ ܕܰܣܘܶܝܕ ܩܪܳܬ݀ ܠܐܺܝ̣ܙܓܰܕܳܐ ܐܺܝ̣ܪܰܐܢܳܝܳܐ ܕܰܣܛܳܘܟܗܳܘܠܡ ܒܫܶܡ ܪܺܝ̣ܫܳܢܽܘܬ̣ ܚܽܘܝܳܕܳܐ ܐܽܘܪܺܝ̣ܦܳܝܳܐ ܠܰܡܩܰܪܳܒܽܘܬ̣ܳܐ ܕܡܶܬ̣ܥܰܠܠܳܢ̈ܘܳܬ̣ܳܐ ܠܽܘܩܒܰܠ ܕܺܝ̈ܢܶܐ ܟܶܢ̈ܫܳܢܳܝܶܐ ܕܠܰܗܘܳܝܳܐ ܐܶܬ̣ܰܘ ܒܒܶܛܠܳܢܳܐ ܕܰܥܒܰܪ ܒܓܰܘ ܐܺܝ̣ܪܰܐܢ.

ܟܰܐܪܠ ܒܺܝ̣ܠܕ، ܕܰܠܥܰܪ̈ܩܶܐ ܕܪܺܝ̣ܫܳܢܽܘܬ̣ ܘܰܙܺܝ̣ܪܽܘܬ̣ ܒܰܪܳܝܽܘܬ̣ܳܐ ܐܳܚܶܕ ܒܡܰܩܪܚܳܢܽܘܬ̣ܳܐ ܕܰܥܒܰܕ ܐܡܰܪ܆

ـ ܐܺܝ̣ܙܓܰܕܳܐ ܐܺܝ̣ܪܰܐܢܳܝܳܐ ܐܶܬ̣ܩܪܺܝ̣ ܠܘܳܬ̣ܰܢ ܐܰܝܟܰܢܳܐ ܕܰܢܥܰܙܶܙ ܠܰܟܠܳܝܬܳܐ ܕܡܶܬ̣ܥܰܠܠܳܢ̈ܘܳܬ̣ܰܢ ܘܰܕܢܰܘܕܰܥ ܕܡܽܘܢ ܐܶܢܽܘܢ ܣܽܘ̈ܟܳܝܰܝܢ ܒܡܰܣܒܳܐ ܕܕܽܘܒܳܪܷ̈ܐ ܒܫܽܘܐܳܠܴܐ ܗܳܢܳܐ، ܐܳܡܰܪ ܘܰܙܺܝ̣ܪܳܐ ܕܒܰܪܳܝܽܘܬ̣ܳܐ ܕܰܣܘܶܝܕ.

ܠܴܐ ܣܳܟ̣ ܡܩܰܒܠܺܝ̣ܢܰܢ ܕܫܰܓ̣̈ܠܰܝ ܚܽܘܝܳܕܳܐ ܘܡܳܬ̣ܳܢܳܝܷ̈ܐ ܐܽܘܪ̈ܝ̣ܦܳܝܶܐ ܕܰܒܐܰܝܟܰܢܽܘܬ̣ܳܐ ܗܳܕܶܐ ܢܶܬܬܣܺܝ̣ܡܘܢ ܒܰܡܩܺܝ̣ܡܳܢܽܘܬ̣ܗܽܘܢ ܩܕܳܡ ܡܰܪ̈ܗܳܛܶܐ ܓ̣ܒܺܝ̈ܠܷܐ ܕܡܶܬ̣ܚܰܘܝܳܢܽܘܬ̣ܳܐ ܒܰܙܢܳܐ ܗܳܢܳܐ. ܐܽܘܪܚܳܐ ܕܰܐܟ ܗܳܕܶܐ ܠܴܐ ܗ̱ܘܳܬ̣ ܡܩܰܒܰܠܬܳܐ ܣܳܟ ܣܳܟܺܝ̈ܢ ܐܳܡܰܪ ܒܺܝ̣ܠܕ ܒܡܰܩܪܚܳܢܽܘܬ̣ܳܐ ܕܺܝ̣ܠܶܗ.