Khana las pe kuko bersh avilas e vorba återvändareåret, kodo si le manushenge saven bishaven avri anda them te shaj bolden le phalpale ande lenge thema.

Migrationsverket line extra love khatar o them te kheren maj buth buchi khadalesa thaj das lashio resultato.

Neve cifri sikhaven ke maj buthen bishade avri anda them kuko bersh sar o bersh angla kodo. Totalnjie bishade avri 10 700 manushen kodo si pe 1 300 ziene maj buth sar de duj bersh kodoleske kado resuktato avel khatar e regeringoski politika phenel o migrationsminister Tobias Billström.

Maj zurale strafura avna pej manusa kon butji keren ande spiti, te kerna dos ande pengi butji le nasvale manusenca saj xasaren pengi legitimacia vaj saj te phandajon avri pej trin bers andapengi butji.

Khatar  (KD) socialministero Göran Hägglund phenel ke adjes 3000 miji manusa kaj mudardjon ande spiti ande jekh bers taj 100 000 kaj kerdjon maj nasvale. Kado avel e themeske ande ande bute loven zi kaj le sov milijardi krono.

Si te dikhelpe pe kodo te saj kerelpe maj lasi taj maj efektivno butji o Socialstyrelsen kas avla jekh maj efektivno rolo anda kado phenel socialministero Göran Hägglund. Sa kade o ansvarsnämden vi avla jek administrativno butjako than.

O manus kon das puske le svedon taj lenge tolkos phiravlas policiake gada. Te sas chacho poliso inke kodo tordul te sikavelpe avri phenel o sherutno-löjtnan Gustav Wallerfelt. Kado si inke opral o sigo te saj phenelpe so si o chachimo, inke zi akanak zal jekh interno avri rodipe khetane e Afgansko policiasa. Kodo si pinzardo kon mudardas le svedanon sas opre urado ande Afgansko policiake gada phenel o Sherutno-löjtnant Gustav Wellerfelt

Te aven baxtale romale!

Ande kado kurko ando Café Romano shaj te shunen sar e romnia ghindon pa e borange bersh...

Sode bershengi si te avel e adjesutni bori? 13 bershengi vaj 25 bershengi? Vaj kam 16 bershengi?
Shunena so romnia phenen pa kado.

Khatar kado kurko mukas pale e magiska skrinet thaj ande kado kurko shaj te shunen e angluni paramicia e shefkija lola shamiasa thaj kote shunena a Rebeka thaj e Emeli Brijani.

Sa kado thaj vi romani muzika tumenge so shunen po Café Romano

NEVIMATA

• Debato angla alosaripe
• Radioaktivno gunoj shaj si chudimo ando Östersjön/Baltikano more
• E Svedska peravol e manushikane chachipe
• Groomin-lag chi inkrel kade sar trobuj
• Trakaseriji ande shkoli

ARTIKLORA

• Europas Minoriteter” jekh bari konferencia ando Stockholmo. Vorbisardape pa e diskriminacia pe e minoritetia thaj pa e rom andi Europa
• Alosaripe po Shvedicko delegato ande ERTF

Ane akalje kurkesko radio romano shaj te ashunen.

• Sar gelo o alosaribe ando Svedo kana alosardape o representanto ando ERTF.
• Sr si e minoritetienge ani Evropaki Unia?
• Savi organizacia si o Arvsfonden?
• Sar ikerdape e memoracia ano Stockholmo thaj Malmö pa o Holokaust.

Sa akava thaj shukar romani muzika shaj te ashunen ando radio romano.  

Vakerolpe kaj o rigeringo ando Svedo peravol e manushenge chachipe, kerolpe diskusia pe akava vakeribe ani Libia. Akaja kritika kerol e Amnesty e organizacia savi kerol buti pe e manushenge chachipe. E Amnesty phenol kaj e Svedko kinibasko ministi Ewa Björlig ljilja than kaj bikindilo o satiljisko modelji savo kerol buti te shaj achaven o brodia/parahodia save nakhen kotar e Libaia ani Evropa e manushenca save si emigrantia save nasen te roden azili ani Evropa.

Radioaktivno gunoj thaj but khemiske gunoja si chudime ando paj ando Östersjön ani jek rig ando Gotland kotar e rusiake askerie ando angla e beshekso 1990 beshe. Vakerolpe but thaj si dokumteia save mothoven kaj chudlje ando paj radioaktivno gunoj numa panda naj dindi pacha thaj e Shvedsko rigeringo na phenda kanchi pa kado. Numa kerolpe akana buchi te dikholpe si mi akava chache, palo o programia save kerde o SVT, Ekot, P1 Morgon thaj TT.

Ando Norra Latin konferenscenter ando Stockholmo ikerdilo jekh kedipe so mothoda sar e romane projektia keren buchi ando Shvedo. Thaj o Arvsfonden kamol te djanol sar e romane projektia keren buchi.

• VORBIL AMENGE - E Christina Rodel Olgac kotar e Södertörns högskolan, savi kerda jek rodipe sar o romane projektia keren buchi ando Shvedo.
• Erland Kaldaras kotar o RUF- Romanno ternengo kedipe vorbisarda sar von kerena buchi.
• Thaj kotar o Arvsfonder vorbisarda o sherutno Stefan Andersson, vov vorbisrada sar von kamen te den zutimos e romane projektonge.

”Europas Minoriteter” jekh bari konferencia ando Stockholmo. Vorbisardape pa e diskriminacia pe e minoritetia thaj pa e rom andi Europa.

• VORBIL o Thomas Hammarberg, EuroparÃ¥dets kommissionär.
• Anna- Karin Lundin regeringsrÃ¥d, ledamot av styrelsen för FRA.
• Irka Cederberg, journalist.

Akia studia savo kerdjape mothovol kaj kotar sa o minoritetia ano EU majbut kerolpe diskriminacia prekalo roma.  

30 januari sas o alosaripe ando Stockholm po o Shvedicko delegato ande ERTF.

O kedipe las pe 16.30 thaj inkerdas pe zhi 21.00 po than sas but rom thaj rom anda 15 romane organizaci.

Kana o alosaripe agorisajlas njerisadas o Stefano Kuzhicov o than sar o delegato khatar o Shvedo. Pala alosaripe vazdas pe jekh protesto ando stockholm, reakci sas ke o alosaripe nas mishto inkerdo thaj kaver rom phenenas ke lashio sas o alosaripe.

Shunen kate sar sas po than ando Romano kulturako centro 30 januari kana sas o alosaripe po ERTF

O Bibutjakipe taj e nasvalengi insuracia sas jekh anda pusimata pa soste gelas o debato maskar le partonge sherutne.

E Moderatongo sherutno Fredrik Reinfeldt-s pusepe sas karing I opposicia so si a opposiciako alternativo pej politika. I stungo rig del pesko argumento pe pengi politikako chachipe. Vi adjes te si opral o ucho o bibutjakipe.

E Moderatongo politikalno gindo si te saj delpe shanca pe maj but butji khatar le firmi ando them, taj le manusen te saj asol maj but love ande lenge buffara. Phendas o Fredrik Reinfeldt

I Mona Shalin khatar le Socialdemokratura phenel ke o bibutjakipe adjes si opre zi kaj le 9 procentura. Kado numa barol. Maj but sar 50 000 ternimata xasarde pengi butji taj adjes sip e jek avri sute pe jek lungo vrama po o bibutjakipe.

Paj skolengo pusipe kaj lolengo/zelenengo opposicia nas khetanipe. Le Socialdemokratongo parto gindinpe te saj delpe betygo ando sovto klasso. O Venster partiet taj o Milijö partiet kamel te zukarel zi kaj o injato klasso.

Kaj Borgerligo/stungo rig sikadaspe jekh problem ape i energiako drom. Ke kaj o Centerpartiet Maud Olofsson naj sa pe laki rig lake riksdagsledemöter.

O Sherutno pe o FN, Ban Ki-Moon avri diklas la EU-kommisionera Margot Wallström sar FN-s representanto.  Laki butji zalape te dikhel pala le zuvjangi avri suti phari situacia ande marimaske thema.

O Svedicko regeringo das ande prela i nominacia pe kado butjako posto. O posto zal pe o FN-s resulacia 1820 pa i sexualno zor pe e zuvja ande thema ande savlande zal o maripe (Krig).

27 Januari e memoriacia pa holocaust sas inkerdo ando Romano kulturako centro ando Stockholm.

E romani redakcia sas kote po thaj kate shaj te shunen so kote kerlas pe kana sas o 27 januari ando Stockholm

Kado djes si o djes kana e manush skepisajle katar o 2:o lumako maripe.

Manush keren manifestatci pa kado ande intrego ljuma te na bistren e manush pa kado so kerdas pe ande luma.

27 januari sas o djes kana o lageri ande Auschwitz phuterdzilas thaj e manush skepisajlas khatar kado holocausto.

But manush mule kote thaj mashkar lende mule vi rom, phenel pe ke khatar 500 000 zhi maj but rom mule tela o dujto lumako maripe.

Kate shaj te shunen histori romendar so nakle o dujto lumako maripe.

27 januari 1945 bersh alje e Rusoski armia savi akhardol lolji armia savi dindja mukhljipe avral sa e manushenge save sas ando koncentarcione logoria save e nacistia mudrade buten manushen save sas judar, roma thaj but javer. Mashkar ljende sas vi but phure djuvlja, cikne glate. Vakerolpe kaj ando dujto ljumiako maripe mudardilje ekvasho miljioni roma ano koncentarcione logoria. Ododljestar avdive sakova 27 janurai denpe o manusha gindo so kerdjape ano dujto ljumiako maripe e manushenca ano koncentarciano logori.

• Ando Romano Kulturako Centro ikerdjol jekh memoracia pa o holokaust. Savore shukar alje ano RKC Stockholm ando Ring vägen 100 te ikeren e memoracia ke jekh than e romenca ch. 17:00.
• A vi ando Romano Kulturako Centar ando Malmö e roma ikeren memoracia pa o holokaust ando than Mazettihuset  e adresa si Friisgatan 15 B kotar o 13.00-15.00.
• Andi Uppsala  E Romani Glinda ke jekh than e Fredsmuseem inkerol jekh memoracia pa holokaust e anavesa “Romane asva” kotar  e ch. 17:00.

 Savore kon kamen shukar alje ke jekh than te damen gindo so kerdepe pe e romenca ando holokaust.     

Angluni debata anglal o alosaribe mashkar o statsministro Fredrik Reinfeldt thaj S-sherutni Mona Sahlin ando SVT:s Agenda. E maj angluni tema hine pa e penzia so kerolpe pe ljende but skato/porezi kotar o rigeringoski rig thaj viv vakerdjpe kotar e nasvaljengi ishurancia/sjukförsäkring so nashavdjol e manushenge akalje politika save avdivesko rigeringo kerol. Odoljestar e opozicia sila but manusha avdive save kamen on te aven ano nevo alosaribe sar politikane manusha. Avdive e rödgröna isiljen 51,8 % a e borgerliga si 41,5 % palji paluni satiska savi sas ando decebaro chon 2009 bersh. Vakerolpe kaj e S-sherutni Mona Sahlin kotar e opozicia hinela poshukar argumentia ani debata thaj poshkura politika kana vakera kotar o penzioneria thaj o inshurancia/sjukförsäkring.

Ano avdivesko programo shaj te ashunen.

• O Folkhäsoinstituti ani Svedska dindja o raporti sar itano o sastipe e romengo thaj javer nationalne minoritetijengo ani Svedska.
• Pashol o alosaribe ano ERTF thaj akate ani Svedska alolpe jekh representanti ano Evropako Romano Forum.
• Miranda Vuolasranta (Finland), Vice-President ano ERTF voj vorbil kobor avdive isi demokratia mashkar o roma.
• Romano Hango hine jekh gazeta numa akna si thaj jekh kedipe e romengo savo zutinol e terne romen ano BorÃ¥s. 

Sa akava thaj shukar romani muzika shaj te ashunen ano akalje kurkesko Radio Romano.

Ande kurkosko programmo saj sunelpe pa sokri. Sar sas i sokra durmut sar si i sokra adjes. Sar trubuj jek buri te avel. Vi saj sunen so xalpe ivende soj e ivendesko xabe. Si kodo varisp specialno?

Kado bers 28 februari 2010 bers zala o nevo alosaripe ando Eropako romano travalers forumo ERTF. I Demokracia si jekh pusipe adjes! Inkerdjolpe i demokracia? Si demokratickna alosaripe? Sar te saj inkrelpe i demokracia? Sunen so i Vice presidentka khatar o ERTF Miranda olostranta phenel pa kado.

Ane akalje kurkosko programo saj te ashunen akala artiklia ano radio romano.

• Gosto ano studio si o Hans Caldaras vakerol amenca pa o CD- Katizi.
• Gregori Dofunja Kwiek rom kotar o Stockholm vakerol amenge pa o nevo projekto pa e romengo puchibe.
• Sar djivdinen o roma ano Kosovo ano gav/diz Gracanica, ashunen e reportaza kotar o Nedjmedin Jashar.
• But romane chave kerdjepe adoptirime thaj na djandje kaj on si roma, sa dji na barilje ashunen so vakerol amenge e Briget Enfeldt kana vakerol e amare kolegasa Verdjiana Gudinci kotar po djivdipe sar jekh adoptirimi chaj.

Ano amaro prgramo shaj hem te ashunen shukar romani muzika kotar Balkan.